Кувелис: Би било непотребно избрзано да се објави крај на овие разговори
Објавено во: Балкан 01 Јуни, 2018
Грчкиот алтернативен министер за одбрана Фотис Кувелис, коментирајќи ги информациите дека разговорите меѓу Атина и Скопје се во застој вели дека е прерано да се тврди дека преговорите се завршени.
„Би било непотребно избрзано да се објави крај на овие разговори и преговори”- рекол Кувелис за време на церемонија во воздухопловната база на грчката армија во Триполи, пренесува „Катимерини”.
Претходно, денеска владин претставник во Атина изјави дека двете страни се оддалечуваат од решение затоа што „Скопје се чини не е подготвено да одговори на предлозите за кои зборуваа двајцата министри за надворешни работи во Брисел”.