13 лица уапсени во врска со вчерашниот напад во Истанбул
Објавено во: Балкан 02 Април, 2015
Турската полиција уапси 13 лица во врска со нападот врз штабот на полицијата во Истанбул. Се смета дека меѓу нив може да има соучесници на жената, која беше убиена во престрелка вчера и која носела во себе две гранати.
Од полицијата велат дека оваа жена може да е поврзана со пукањето над полициски автомобил на плоштадот Таксим во јануари. На 30 јануари Елиф Султан Калсан отворил оган против патролниот полициски автомобил.
Жената користела рачно изработен адаптиран автомат и пиштол. Тогаш немаше повредени полицајци, а терористката успеала да избега и да се сокрие. Се смета дека убиената жена пред полициската станица може да е токму Калсан. Инспекторите работат на оваа верзија и се обидуваат да го утврдат идентитетот на убиената.
Според последните податоци при нападот на штабот на полицијата двајца полицајци кои во моментот на пукањето излегувале на улица, биле полесно повредени. Тие отвориле оган откако жената фрлила граната кон нив. Од полицијата додаваат дека напаѓачката била вооружена со автомат, две рачни гранати и пиштол. Претходно беше распространета информација дека жената имала соучесник, кој бил повреден, успеал да избега, но подоцна бил фатен. Моментално е утврдено дека жената дејствувала сама.
Се смета дека уапсениот може да бил еден од напаѓачите во близина на студентите. Тие доаѓале кон зградата на полицијата, за да ги поддржат своите познати, уапсени при неодамнешните протести. Приведени се 13 лица.
Според очевидци жената може имала уште 4 соучесници, кои сепак не се донесени во директно учество на нападот. Не е исклучена можноста овие лица, да се смешале со групата студенти.