17 милијарди евра за бегалците ќе додели Берлин догодина
Објавено во: Свет 29 Декември, 2015
Германските покраини планираат да потрошат околу 17 милијарди евра за справување со бегалската криза во 2016 година, објави весникот „Ди Велт“. Тоа се барем две милијарди евра повеќе отколку што планирала владата во Берлин. Најмногу пари ќе се вложат во интеграцијата на пристигнатите имигранти.
Кабинетот во Берлин додал имплицитно во буџетот 15,3 милијарди евра, кои ќе бидат насочени за справување со кризата. Овие средства биле побарани за германските покраини, кои во почетокот на кризата мораше да се справат сами со високите трошоци за справување со бегалскиот поток.
По бројните состаноци со федералната влада во Берлин, премиерите на провинциите успеале да се изборат за доделување на нови средства за нив од вкупниот буџет додава весникот „Велт“ наведувајки ја анкетата дека помеѓу министрите за финансии на германските покраини покажале дека тие имаат потреба од околу 17 милијарди евра, за да се справат со бегалскиот бран.
Овие податоци ја исклучуваат провинција Бремен, која единствено не обезбедила конкретни бројки. Збирот може да биде уште поголем, бидејќи провинциските министри за финансии се базираат на оценката за прилив од 800 000 бегалци за оваа година, а во Германија веќе има еден милион кандидати за азил.
Најмногу средства ќе бидат вложени во основните и средните училишта, кои од 2016 година треба да ги преземат сите деца, дојдени од Блискиот Исток.
Голем дел од бегалците не оделе на училиште или имаат завршено најмногу петто одделение и нивното воведување во пазарот на трудот исто така ќе потегне сериозни средства.