ЛИДЕРОТ НА СИРИЗА ДО МИЦОТАКИС: Ако сметате дека Договорот од Преспа е предавнички, еве ви шанса да го поништите
![](/media/main/2024/05/20240519112559.png)
Објавено во: Македонија, Балкан 19 Мај, 2024
Претседателот на СИРИЗА, Стефанос Каселакис му порача на грчкиот премиер Кирјакос Мицотакис дека ако Договорот од Преспа е предавнички, да го поништи.
„Ако сметате дека Договорот од Преспа е предавнички, еве Ви шанса да го поништите, но нема да го сторите тоа, бидејќи Договорот е она што го посакувавте како партија“, вели лидерот на СИРИЗА.
Воедно му посочи дека им должи извинување на народот, на екс премиерот Алексис Ципрас и на поранешниот министер за надворешни работи, Никос Коѕијас, јави дописничката на МИА од Атина.
За време на предизборниот митинг во Солун во пресрет на европските избори на 9 јуни, Каселакис говореше за сите актуелни теми во Грција, но и за прашањата во грчката надворешна политика, осврнувајќи се и на Договорот од Преспа.
Додаде дека ако актуелниот грчки премиер има намера да го почитува Договорот од Преспа „како национално корисен“, постојат два морални предуслови, да му се извини на грчкиот народ, но и на поранешниот премиер Ципрас и поранешниот шеф на дипломатијата Коѕијас.
Македонската претседателка Гордана Силјановска Давкова на инаугурацијата ја испушти придавката „Северна“, по што од Грција имаше реакции дека ако нашава земја не го почитува Договорот од Преспа ќе следи вето. Договорот од Преспа е потпишан на 17 јуни 2018 година во Нивици и со него е надминат спорот за името меѓу двете земји.Можеби ќе ве интересира
МУЦУНСКИ ГО РАЗРЕШИ ВНУКОТ НА АХМЕТИ: Дрин заминува порано од амбасадата во Брисел
![](/media/main/250x170/2024/07/20240726231513.jpg)
ИЗБРАНО НОВО РАКОВОДСТВО НА МАКЕДОНСКИОТ ПОЛИЦИСКИ СИНДИКАТ: Еве кој ќе го води
![](/media/main/250x170/2024/07/20240726211856.jpg)
НЕКОЈ ИМ СЕ ЗАКАНУВАЛ НА ПРАТЕНИЦИ: Добиле порака со заканувачка содржина
![](/media/main/250x170/2024/07/20240726211417.jpg)
ПРЕТРЕС КАЈ ДВАЈЦА ПОЛИЦИСКИ СЛУЖБЕНИЦИ: Пронајдени автоматска пушка, два пиштоли и друго оружје
![](/media/main/250x170/2024/07/20240726194904.jpg)
„ЈАС СУМ СЛОБОДНА, ЗОШТО МИСЛИТЕ ДЕКА НЕ СУМ?“: Катица Јанева вели од 2022 оди на викенди
![](/media/main/250x170/2024/07/20240726164033.jpg)
ПОРАНЕШЕН ЗАТВОРЕНИК СТАНА ЗАМЕНИК ДИРЕКТОР НА ЗАТВОРОТ ИДРИЗОВО: Левица со обвинување
![](/media/main/250x170/2024/07/20240726173529.png)
ДЕСЕТ ЗДРАВСТВЕНИ УСТАНОВИ ДОБИЈА НОВИ В.Д. ДИРЕКТОРИ: Еве кои се
![](/media/main/250x170/2024/07/20240726162020.jpg)
СРПСКИ ПОЛИЦАЈЦИ ЌЕ ВОВЕДУВААТ РЕД ВО ОХРИД: Србија ни „позајмува“ четворица полициски службеници во август
![](/media/main/250x170/2024/07/20240726160131.jpg)