20 кривични пријави во полициската акција „Шпион“

Добивај вести на Viber

МВР за полициската акција „Шпион“ поднесе кривична пријава за 20 лица поради шпионажа, злосторничко здружување, злоупотреба на службената положба и овластување, уцена и закана. Како што денеска соопшти министерката за внатрешни работи, Гордана Јанкуловска, полицијата обезбедила доволно доказен материјал кој укажува на тоа дека се сторени овие дела. „Самиот факт што лицата кои добро знаеле дека класифицираните информации подлежат на специфичен режим на управување со нив, спротивно на тоа постапиле на начин што не само што не е во согласност на Законот, туку и на начин со кој биле свесни дека може да направат штета, го прави ова кривично дело само по себе дополнително сложено, иако ова е едно од најтешките кривични дела против државата“, изјави Јанкулоска за „Шпион“. „Криминалната група дејствувала на тој начин што петмина за потребите на странски разузнавачки служби прибирале класифицирани тајни податоци и документи, за организациската поставеност и внатрешната структуираност на безбедносните и други институции, податоци за политичката и безбедносната состојба во државата, изборите, општата безбедносна состојба во државата  за можен ризик и ескалација во конкретниот период, програма за посета и престој на високи претставници на странски разузнавачки служби, имиња на лица кои биле во посета, за состојбите во верските заедниси што се однесувале и на радикалните структури во Македонија и во Албанија, за  структурите кои ги финансираат и други информации “, истакна Јанкулоска. По распитот на приведените во вчерашната акција „Шпион“ во полициска станица, двајца се пуштени на слобода, а се трага по тројцата осомничени, кои се недостапни за органите на прогон. Со одлука на судот, целата истрага за „Шпион“ ќе се води во тајност, бидејќи според назнаката, станува збор за исклучително доверлив доказен материјал.