43 отсто од медиумските објави во Македонија се потенцијални дезинформции

Добивај вести на Viber

Од белградскиот Центар за истражување, транспарентност и одговорност (ЦРТА) денеска соопштија дека во Македонија 43 отсто вести и медиумски објави за меѓународната политика, Европската Унија, САД и Русија се објавуваат без наведен извор што е основа за потенцијални дезинформации.

Според резултатите од истражувањето спроведено во периодот од 14 мај до 10 јуни во Македонија, Србија, БиХ и Црна Гора, на 5.000 медиумски објави во печатот, онлајн медиумите и на телевизите, а најмногу медиумски објави без да се именува изворот во регионот е забележано во Македонија.

Застапеноста на неутралната и пристрасната позитивна медумска содржина за ЕУ во Македонија, БиХ и во Црна Гора варира помеѓу 19 и 25 отсто во медиумските објави.

Во Србија најпозитивно се информира за Русија, а над третина од медиумските објави се без наведен извор, за разлика од НАТО за кој се известува негативно. Вестите кои се објавуваат во Србија за ЕУ се претежно неутрални и се известува повеќе технички.

Според Раша Недељков програмскиот директор на ЦРТА , во Србија во медиумите „најмногу има цитати на претседателот Александар Вучиќ, во кои тој говори за ЕУ или неутрално или позитивно, додека Ивица Дачиќ се цитира многу помалку, каде тој подеднакво дава негативни и позитивни коментари за ЕУ“.

Во Црна Гора и во БиХ забележан е значително помал број објави без да се наведе цитат на изворот.

Од ЦРТА наведуваат дека карактеристика на дезинформациите и на лажните вести е таа што тие најчесто се пласираат без јасно наведен извор на веста, со пристрасно и необјективно известување.