450 РАБОТНИ МЕСТА: Ако имате бугарски пасош пријавете се за берење јагоди во Шпанија
Објавено во: Балкан 21 Декември, 2015
Ако имате бугарски пасош имате шанса да се пријавите за берење на јагоди во Шпанија .
Агенција за вработување на соседна Бугарија објави дека кампањата за аплицирање на кандидати за берење на јагоди во Шпанија продолжува.
Декларираните слободни места се 450.
Интервјуата за работа ќе се одржат во втората половина на јануари 2016 година во градовите Софија, Пловдив, Хасково, Јамбол и Разград. Рокот за пријавување е 20 јануари 2016 година.
Работодавците нудат бруто плата во износ од 39,87 евра на ден, како по внесување на социјални, здравствено осигурување доходната нето плата е 38,40 евра на ден.
Трошоците за пат до Шпанија се на сметка на работникот, а вредноста на билетот се отплаќа од првата плата.
Враќањето до Бугарија е за сметка на работодавачот, ако работникот остане до крајот на кампањата и не ја напушти доброволно работата. Работното време е 6 ч. и 30 мин на ден со шест дневна работна недела, а неработен ден е во зависност од перформансите и климатските услови.
Предвид можностите за сместување, кандидатите треба да се жени на возраст од 20 до 40 години и треба да имаат искуство во земјоделска работа, да се физички здрави, без болести на дишните патишта, да немаат проблеми со крвниот притисок, алергии и да се навикнати на тежок физички труд, кој се вложува секојдневно.
Очекуваното заминување на одобрените по интервјуто кандидати е во февруари и март 2016 година.
Работните договори се потпишуваат на лице место во Шпанија и содржат клаузула за пробен период до 15 дена.