80 лица биле приведени во антикорупциска акција во Србија
Објавено во: Балкан 26 Декември, 2015
Осумдесет лица се приведени во голема операција против корупцијата, одржана во Србија, соопшти српската радио и телевизија РТС.
При различни корупциски афери тие успеале да присвојат повеќе од 100 милиони евра, соопшти српскиот министер за внатрешни работи, Небојша Стефановиќ.
Помеѓу уапсените се високи функционери, градоначалници и поранешни градоначалници, како и директори на големи претпријатија. Според интернет сајтот на весникот „Блиц“ помеѓу уапсените е и поранешниот министер за трговија во владата на починатиот премиер Зоран Ѓинѓиќ и Слободан Милосављевиќ.
Полицијата трага по уште петмина осомничени.
Тоа е најголемата операција за справување со корупцијата и финансискиот криминал. Нашата борба против корупцијата нема да води сметка ниту за партиската припадност, ниту за функцијата од осомничените, посочил министерот.
Соопштението за апсењата доаѓа две недели откако Србија ги отвори на 14 декември првите две поглавја за пристапување кон Европската унија.