Ѕанакопулос: Oна што го очекуваме е решителен чекор од раководството на ПЈРМ
Објавено во: Балкан 04 Јуни, 2018
Пораката дека Атина го чека „решителниот чекор“ од Скопје, уште еднаш ја повтори портпаролот на грчката Влада и министер без ресор, Димитрис Ѕанакопулос во интервју за грчкото радио 247.
Тој рече дека во овој момент никој не бара одново да се отворат преговорите.
„Се наоѓаме во финалната фаза. Е сега, ако постојат некои небитни детали кои можат да одат во една или во друга насока, тоа во никој случај не е отворање на преговорите во нов циклус. Напротив, ви реков дека она што го очекуваме во овој момент е решителен чекор од страна на раководството на ПЈРМ“- вели Ѕанакопулос.
Рече дека треба да се направи решавачкиот чекор.