Ѕимас предупредува дека ако не се реши името ќе имаме нова мапа на Балканот
Објавено во: Балкан 30 Јануари, 2018
Познатиот грчки експерт за Балканот, Ставрос Ѕимас, во авторски текст во весникот грчкиот весник „Катимерини“ пишува за можноста од домино ефект во регионот доколку не успеат преговорите за името на Македонија.
Тој се плаши од можна поделба на Македонија меѓу соседите Албанија и Бугарија.
„Што ќе се случи доколку, да претпоставиме, се „замрзнат“ преговорите за името? Дали оваа земја ќе продолжи да го користи името Поранешна Југословенска Република Македонија, со кое е примена во ОН и со кое ја прифативме и ние, Грците. Пред меѓународните организации таа ќе продолжи да се нарекува БЈРМ и да фигурира под името „Република Македонија“ во нејзиниот однос со речиси 120 држави, кои веќе ја признале под уставното име и кои најверојатно ќе бидат и повеќе“- пишува тој.
Експертот смета дека ако името не се реши, постои можност мапата на Балканот да се смени.