Адеми: Нема да има ниту козметички измени во Законот за јазици
Објавено во: Македонија 09 Март, 2018
Законот за јазиците и натаму е кочница за работа на Законодавниот дом. Нема договор меѓу коалициските партнери СДСМ и ДУИ како да се постапи со 35.000 поднесени амандмани од партијата на Мицковски. СДСМ бара дијалог и договор за законот, а ДУИ не попушта и за нив содржината на законот е завршена работа. Пратеникот Џеват Адеми го потврди ова во емисијата „Патот кон“ на Алсат-М телевизија. Тој посочи дека нема никакви промени и дека меѓу двата субјекти од владејачката коалиција СДСМ и ДУИ нема дилема околу донесувањето на Законот за службена употреба на албанскиот јазик .
„Нема простор да има било какви промени макар биле тие и козметички. Парламентарното мнозинство ќе го изгласа во третото читање законот исто како што беше изгласано во првото и второто читање. Овој закон е еден од столбовите на оваа политичка коалиција“, рече Адеми.