Добивај вести на Viber
Десетици илјади руски туристи деновиве останаа заглавени во Грција и низ други дестинации во светот откако банкротираше тур-операторот преку кој заминале на одмор. Авиокомпаниите не им ги прифаќаа билетите за враќање во земјата, па мораа да се снаоѓаат.
И македонските туристи кога летуваат во странство мора со себе да носат екстра пари, бидејќи во случај на банкрот на туристичката агенција ќе се најдат во слична ситуација, пишува
Дневник.
Во ваква ситуација тие самите ќе мора да се снаоѓаат за да си го платат превозот за назад, како и да ги намират трошоците во хотелот доколку агенцијата навреме не го сторила тоа. На крајот никој не им гарантира дека ќе бидат обесштетени за дополнителните трошоци на кои биле изложени.
Од Министерството за економија објаснуваат дека секоја туристичка агенција за да добие А-лиценца, мора да склучи годишен договор со осигурителна компанија за осигурување од одговорност од вршење на дејноста во износ од 100.000 евра. Тоа осигурување, објаснуваат надлежните, треба да го покрие обесштетувањето за патниците во вакви и слични ситуации. Сепак, осигурителни агенти објаснуваат дека овој вид осигурување не секогаш е гаранција дека патниците ќе можат да бидат обесштетени при евентуален банкрот на туристичката агенција.
„Над таа сума останува самата агенција да си ги обесштети паниците или тие преку тужба да си ги бараат парите од неа“. објаснуваат осигурителни агенти.
Важно е да се знае дека патничкото осигурување што туристите задолжително треба да го извадат пред да патуваат во странство не покрива вакви ситуации. Овој вид осигурување се однесува само на здравствено осигурување, а за одредена дополнителна сума може да се осигури и багажот од доцнење или губење.
(ВИДЕО) Чудна „војна“ на Британците и Германците во Шпанија – кој е полош?