АКО ЛЕТУВАТЕ ВО ОВАА СОСЕДНА ЗЕМЈА ИМАЈТЕ НА УМ: Драстичен скок на цигарите и газирани пијалоци
Објавено во: Балкан 27 Мај, 2018
По зголемувањето на данокот на ДДВ и акцизите, со кои започна 2018 година,Владата на Црна Гора не планира да се запре.
Во наредната година ќе продолжи со зголемување на акцизата, а приоритетна цел на Владата е консолидација на јавните финансии која е предуслов за финансиска стабилност на државата и долгорочен економски раст.
Во 2019 година е предвиден и понатамошен раст на акцизата на цигари согласно со „акцизниот календар, и зголемување на акцизата на газирана вода со додаток на шеќер или други средства за засладување или ароматизација. Исто така, од следната година е планирано воведување акциза на јаглен во цел понатамошна хармонизација на акцизната политика со стандардите на ЕУ, пренесува CDM.
Поради зголемување на акцизата на цигари, газираната вода со додаток на шеќер, драстично пораснаа и цените на цигарите и газираните пијалоци. Со оглед на тоа дека и во наредната година акцизите ќе растат, граѓаните на Црна Гора ги очекува нов скок на цената на овие производи.