Ако не ја обезбеди Заев, Мицкоски ќе го направел тоа
Објавено во: Македонија 16 Декември, 2018
Христијан Мицкоски при посетата на ВМРО-ДПМНЕ во Крушево пред граѓаните објасни дека мерките од зголемувањето на прогресивниот данок ќе опфатат голем број на граѓани, а не само оние со многу високи плати и порача дека неговата партија кога ќе дојде на власт ќе обезбеди 500 евра просечна плата, која според лидерот на опозицијата, нема да биде дочекана од актуелната Влада.
– Нема да ветуваме дека имаме 500 евра плата, но ќе покажеме методологија каде што ќе покажеме дека можеме да дојдеме до 500 евра плата. Нема да ветуваме дека сите пари ќе бидат кај граѓаните, а од друга страна ќе воведуваме нови поголеми даноци да им ги земеме назад тие пари, туку ќе ветиме достоинствен живот за сите граѓани онаков каков што сега го нема и тоа ќе го ветиме и ќе го направиме тоа, и тоа ќе го направиме уште во првиот мандат, а потоа граѓаните нека судат, вели Мицкоски.
Го искритикува Заев дека дозволил да поскапи најевтиниот леб и дек бега од телевизиско дебатирање за реалните проблеми додека ја губиме државата“.