Ако ОПЕК го продолжи договорот за приносите, нафтата може да поскапе над 60 долари

Добивај вести на Viber

Оваа недела нафтата поевтини до под 50 долари за прв пат од почетокот на годината. Цената на барел нафта сепак може да се зголеми до над 60 долари до крајот на годината, ако земјите од ОПЕК одлучaт да го продолжат договорот за намалување на приносите.

„Нафтата можеше да поевтини и до околу 45 долари, но темелите на пазарот не се променети драстично оваа недела“, коментира за весникот Ричард Малинсон, геополитички аналитичар од Energy Aspects.

Според него ако ОПЕК го продолжи договорот за намалување на приносите, до крајот на годината црното злато може да поскапе и до над 60 долари за барел.

На крајот на оваа недела цените на нафтата паднаа, откако американската Администрација за енергетска информации соопшти дека резервите во САД се зголемиле за 8,2 милиони барели во претходната недела.

Притисокот врз цените на црното злато се засилија и поради коментари на саудискиот министер за енергија, Калид ал Фалих. Тој посочи дека нема гаранции дека ОПЕК ќе го продолжи договорот за намалување на приносите во втората половина на годината, а пазарот го прифатил договорот за готово.

Минатата година земјите членки на ОПЕК се договорија да ги намалат приносите со 1,2 милиони барели дневно почнувајќи од јануари. Кон договорот се приклучија и држави кои не се членки на организацијата, кои ги намалија приносите заеднички со 558 илјади барели дневно.

Договорот е во сила за првата половина на 2017 година.