04 Мај, 2024
0.0249

СТАВ Беслими

Ако потрае политичката криза, инвеститорите ќе заминат во посигурни подрачја!

Објавено во: Економија 18 Април, 2017

Добивај вести на Viber

Негативните политички состојби , во економијата сега се компензираат со оддржување на одредено ниво на јавната потрошувачка, а која се финансира по пат на задолжување, но и преку пролонгирање на исплата на обврските кон доверителите, што од своја страна доведува до нарушување на ликвидноста на стопанските субјекти – вели за Фактор, економистот Сами Беслими. Сепак, Беслими додавада дека како последица на политичката криза може да очекуваме намалувањето на инвестиционата активност.

Секако, пролонгирањето на политичката криза има негативно влијание врз економските текови. Како последица на политичката криза прво доаѓа до намалување на агрегатната побарувачка (личната и јавната потрошувачка), првенствено поради намалената доходност, но и поради воздржаноста од трошење, т.е. чување на дел од приходите како резерва. Намалената агрегатна побарувачка доведува и до намалување на агрегатната понуда, процес кој што доведува до намалување на стопанската активност.

Делумно ваквиот негативен тек се компензира со оддржување на одредено ниво на јавната потрошувачка, а која се финансира по пат на задолжување, но и преку пролонгирање на исплата на обврските кон доверителите, што од своја страна доведува до нарушување на ликвидноста на стопанските субјекти. Сето тоа влијае на висината на стапката на економскиот раст. Неслучајно Светската банка проектира стапката на раст во 2017 на македонската економија од 2,4 %, што е најниска проекција на раст во споредба со сите други земји од регионот.

Како последица на политичката криза доаѓа и намалувањето на инвестиционата активност (домашните и странските инвестиции). Ниту еден потенцијален инвеститор е би се одлучил да инвестира во земја која се соочува со политичка криза. Сигурноста на капиталот е најважниот момент при одлучувањето, дури и пред мотивот за профит. Затоа, доколку трае политичката криза, ние ќе се соочиме со проблемот на селење на претходно инвестираниот капитал во други посигурни подрачја.

Сето претходно наведено ќе има негативно влијание врз состојбата на тековнатата сметка зголемување на негативното салдо, врз состојбата на финансиската сметка, а сето тоа заедно, ќе предизвика влошување на позициите на платниот биланс, состојба која што може да доведе до нарушување на внатрешната и надворешната стабилност на домашната економија.


Можеби ќе ве интересира

ПО ПРВИОТ БРАН ОТКАЗИ: Дали Тесла подготвува нов круг отпуштања, уште поголем?

ПО ПРВИОТ БРАН ОТКАЗИ: Дали Тесла подготвува нов круг отпуштања, уште поголем?

ЕВЕ КОИ АВИОКОМПАНИИ СЕ ПОД ЛУПА: Европската асоцијација за заштита на потрошувачите пријавила 17 фирми до ЕК

ЕВЕ КОИ АВИОКОМПАНИИ СЕ ПОД ЛУПА: Европската асоцијација за заштита на потрошувачите пријавила 17 фирми до ЕК

Гаспром забележа нето загуба од 6,4 милијарди евра во 2023 година, прва во последните 14 години

Гаспром забележа нето загуба од 6,4 милијарди евра во 2023 година, прва во последните 14 години

НОВ СКОК НА ЦЕНИТЕ НА ХРАНАТА ВО АПРИЛ - најскапо месото

НОВ СКОК НА ЦЕНИТЕ НА ХРАНАТА ВО АПРИЛ - најскапо месото

ПАДНА СПОГОДБА - Џонсон и Џонсон ќе плати 6,475 милијарди долари по многубројните тужби за добиен рак од нивната пудра

ПАДНА СПОГОДБА - Џонсон и Џонсон ќе плати 6,475 милијарди долари по многубројните тужби за добиен рак од нивната пудра

„ПЛАТАТА НА КЕЛНЕРИТЕ ВО ХРВАТСКА 1.200 ЕВРА, ВО АВСТРИЈА 3.000 ЕВРА“: ќе работат само луѓе од трети земји

„ПЛАТАТА НА КЕЛНЕРИТЕ ВО ХРВАТСКА 1.200 ЕВРА, ВО АВСТРИЈА 3.000 ЕВРА“: ќе работат само луѓе од трети земји

„Да се напушти вештачкото надувување на капиталните инвестиции“: еве што велат економистите за изборните ветувања на партиите

„Да се напушти вештачкото надувување на капиталните инвестиции“: еве што велат економистите за изборните ветувања на партиите

ПОРАДИ КЛИМАТСКИТЕ ПРОМЕНИ: Колку маслиново масло произведува Шпанија?

ПОРАДИ КЛИМАТСКИТЕ ПРОМЕНИ: Колку маслиново масло произведува Шпанија?

СИНОТ НА СВЕТОЗАР, ЈАНЕ ЈАНЕВСКИ, СТАНУВА ПРЕТСЕДАТЕЛ НА УО НА „АУТОМАКЕДОНИЈА“ - и оттаму заминува Џон Илија Јоновски

СИНОТ НА СВЕТОЗАР, ЈАНЕ ЈАНЕВСКИ, СТАНУВА ПРЕТСЕДАТЕЛ НА УО НА „АУТОМАКЕДОНИЈА“ - и оттаму заминува Џон Илија Јоновски