Албанците на протест – не сакаат во Албанија да се уништува сириското хемиско оружје

Добивај вести на Viber

Во Тирана се одржаа протести на повеќе граѓански здруженија кои побараа да се запре со идејата сириското хемиско оружје да се донесе на уништување во Албанија. Од еколошките организации повикаа да се каже  „не“ на хемиско оружје и да се штити здравјето на граќаните. Граѓаните бараат од владата да не ги пригати предлозите од стратешките сојузници кои посочија дека во оваа земја може да се уништува хемиското оружје и најавија дека нема да престанат да протесетираат се додека Владата не ги прифати нивните барања. Според министерот за надворешни работи,  Дитмир Бушати Владата засега нема донесено одлука за ова прашање. „Имам контакти со претставници на САД и Европската унија околу предлогот на САД и Албанија да биде земјата каде би се уништивало хемиското оружје од Сирија. Нашата Влада се уште не е во фаза на донесување конечна одлука, затоа не треба да се избрзува со изјави“, посочи Бушати. Претходно албанскиот премиер Еди Рама и државниот секретар на САД, Џон Кери по телефон разговораа за идејата хемиското оружје од кое Сирија реши да се откаже, да биде донесено во Албанија за да се уништи. Според преседателот на  парламентот, Илир Мета земјата нема капацитети за уништување на хемиското оружје од Сирија. „За оваа прашање последниот збор ќе го каже Парламентот, но јас сметам дека Албанија нема капацитети за да го уништи хемиското оружје од Сирија“, изјави Мета пред неколку дена за албанските медиуми.