Албанското знаме засега само на еден авион

Добивај вести на Viber

Албанскиот орган за цивилно воздухопловство во вторникот објави дека му доделил на новоформираната национална авиокомпанија Ер Албанија, со седиште во Тирана, потврда за обезбедување на услуги за воздушен транспорт.

Дозволата за албанско знаме на воздухопловите е поддржано од Turkish Airlines, сопственик на 49 отсто од акциите во компанијата. Останатите 51% во Air Albania се контролирани од страна на давателот на услуги за воздухопловна навигација Аlbcontrol и локалната компанија МДН Инвестмент.

- Првата воздушна дестинација од Тирана ќе биде Истанбул, а летот ќе биде сервисиран со единствениот авион Ербас А319-132, изјави директорот на воздухопловната агенција на земјата, Крислен Кери, во соопштението за печатот.

Компанијата наскоро ќе додаде во својата флота втор авион кој ќе ги сервисира европските дестинации, рече Кери, додавајќи дека првите континентални летови ќе бидат во Рим, Милано, Болоња и Лондон.

Претходно овој месец министерот за инфраструктура, Белинда Балуку, рече дека Ер Албанија ќе го започне својот прв лет до крајот на овој месец. Компанијата ги исполни сите барања за тестирање, обука и лиценцирање, додаде Балуку.

Минатиот месец Министерството за инфраструктура потпиша финансиски договор со турската авиокомпанија и албанската компанија МДН Инвестмент за формирање на албански авиопревозник, рече премиерот Еди Рама.

Во септември албанската влада го одобри договорот за партнерство со Turkish Airlines, според кој давателот на услуги за воздухопловна навигација Алкконтрол и локалната компанија МДН Инвестмент ќе делат меѓусебен удел од 51%, додека "Туркиш ерлајнс" ќе го поседува остатокот.