АЛБИН КУРТИ ПО ГОЛЕМАТА ТРАГЕДИЈА: „Му посакувам сила на младиот Пацоли да се справи со болката“
Објавено во: Македонија 18 Јуни, 2023
Премиерот на
Косово, Албин Курти изрази длабоко сочувство откако трагично заврши потрагата
по семејството Пацоли кое вчера попладне со автомобилот БМВ доживеа сообраќајна
несреќа кај Блаце.
-Само што бев информиран од нашите власти дека автомобилот кој синоќа излета и падна во реката Лепенц во Скопје е пронајден и во него се безживотните тела на тројца наши граѓани.
На момчето кое ја преживеа оваа несреќа му посакувам брзо закрепнување и сила да се справи со болката од губењето на родителите и на брат му. Моето искрено сочувство до семејството Пацоли и Висока кои ги загубија членовите на нивните семејства.
Ваквите настани длабоко влијаат на сите нас.
Искрено им благодарам на нашите професионални тимови на ФСК, на косовската полиција, на волонтерите на САР и на властите на Република Северна Македонија кои од критичниот момент дадоа се од себе и покрај сите предизвици со кои се соочија, напиша Курти.