Аманатидис: Владата во ФИРОМ продолжува да ја следи нејзината политика на одолговлекување

Добивај вести на Viber

Владата во ФИРОМ продолжува да ја следи нејзината позната политика на одолговлекување околу спорот за името, вели грчкиот заменик-министер за надворешни работи, Јанис Аманатидис.

Вели дека напредуваат разговорите за мерките за градење доверба, со кои двете страни работат на подобрување на меѓусебната комуникација и на соработката. 

„Како што е познато, мерките за градење доверба не се поврзани со спорот за името. Мерките се производ на нашата иницијатива да се зацврстат општествените и економските врски меѓу Грција и ФИРОМ. Помагаат за да се воспостави доверба. Во однос на спорот за името, потребно е да созреат условите кај соседната држава за да прифати суштински компромис“ - посочи Аманатидис.

Политичките разлики меѓу двете страни, според Аманатидис, може да се надминат само ако македонската страна ја напушти политиката на иредентизам и се посвети на подобрување на заедничките врски.

„Меѓутоа, вакви врски не може да се изградат додека се одржува иредентизам и флагрантно фалсификување и присвојување на грчката историја и културно наследство“- изјави тој.

Тој пред пратениците објaсни дека грчката влада не направила никаква промена во практиката со македонските пасоши и апелираше да се стави краj на политиката на иредентизам за да се подобрат билатералните врски меѓу двете страни.