АМБИЦИОЗНИ ПЛАНОВИ: Тиквеш во 2015 со зголемена добивка за 27 отсто!

Добивај вести на Viber

Винарската визба „Тиквеш“ планира во оваа 2015 та година да оствари раст на добивката. Според ценовно чувствителната информација пласирана на берзата „Тиквеш“ има намера да ја зголеми добивката за 27 отсто, односно за 114 милиони денари, компарирано со минатата година. Што се однесува до ЕБИТДА, тој се очекува да биде на износ од 263, 6 милиони денари, што е соодветно пораст за 26 отсто. Исто така за годинава, како што пишува во информацијата, приходите од продажба би требало да пораснат за 7, 4 отсто на сума од 1, 16 милијарди денари. Од друга страна варијабилните трошоци се очекува да останат исти, и да бидат 445 милиони денари Инаку, претседателот на управниот одбор на ВВ „Тиквеш“ и партнер во инвестициската група „М6“, Светозар Јаневски годинава е добитник на меѓународната награда „Креатори за столетијата“ за животно дело во претприемништвото. Јаневски при доделувањето на наградата истакна дека отсекогаш цврсто сум верувал дека луѓето и нивниот професионален развој и мотивација се клучниот фактор за успехот на една компанијата. „Работата со нив, инвестициите во нивното професионално надградување, градење на вештини, изложување на најновите трендови се од огромно значење за создавање кадри кои ќе го носат и развиваат претприемачкиот дух. Уште поважно е тие луѓе да ги охрабрите да донесуваат одлуки, да размислуваат отворено и да не се плашат да преземат иницијатива и ризик“, истакна Јаневски, заблагодарувајќи се за наградата.