АНА БРНАБИЌ ЗА НАЈАВАТА ЗА ЗАБРАНАТА ЗА УВОЗ НА РУСКА НАФТА: „Ќе мораме малку поинаку да се позиционираме“
Објавено во: Балкан 07 Октомври, 2022
Премиерката Ана Брнабиќ изјави дека најавата од Европската
унија дека Србија не е изземена од осмиот пакет санкции против Русија поради
нејзината агресија врз Украина, односно дека не е изземена од одлуката за
забрана за увоз на руска нафта, „практично значи санкции против Србија“.
Брнабиќ за телевизијата Прва изјави дека „ако тоа се случи, сигурно ќе има сериозни последици за српската економија“ и дека „релативно добра вест е што конечната одлука е одложена за 1 декември.“ Ќе има многу потешки дискусии. Претседателот на Србија, Александар Вучиќ утре на прес-конференција ќе соопшти некои стратешки одлуки“, рече Брнабиќ.
Таа рече дека одлуката за забрана на увоз на руска нафта, која ја иницираше Хрватска, „е очигледно отворен чин на непријателство кон Србија и дека тие се подготвени да искористат сè против Србија, вклучително и енергетската криза“.
Ќе мораме малку поинаку да се позиционираме“, изјави Брнабиќ.
На прашањето дали Србија може без увоз на руска нафта, Брнабиќ одговори:
„Можеме целосно без руска нафта“, но купувањето од други извори на снабдување би било поскапо.
ФОТО: EPA/Rafal Guz