Анета Арнаудовска: Во Македонија има независно судство

Добивај вести на Viber

Во Македонија има независно судство како резултат на реформите што земјата ги презема за негово унапредување, смета директорката на Академијата за судии и јавни обвинители на Република Македонија Анета Арнаудовска. Во моментов е во Вашингтон, кеде зема учество на меѓународна конференција за судска обука чиј домаќин е националниот центар на државни судови на САД, а поканети се 270 учесници од 70 држави во светот. „Ние ги имаме имплементирано сите меѓународни стандарди: сопствено тело што ги избира и разрешува судиите – значи не Собранието и Владата, потоа Академијата како нова институција, која ќе обезбеди објективни критериуми за избор на новите судии и обвинители, и, секако, мора да работиме на имплементација на стандардите во пракса“, вели Арнаудовска во интервју за Гласот на Америка. Арнаудовска смета дека во праксата мора многу да се работи за да се охрабрат судиите и обвинителите да бидат независни од политиката и одбива да го коментира сличајот за новинарот Томислав Кежаровски. „Јас повеќе пати сум одговарала на новинарски прашања во врска со случајот Кежаровски. Значи, се работи за судски процес што е завршен со првостепена пресуда.  Сите меѓународни стандарди ни забрануваат ние како судии да коментираме било каква пресуда која што е во траење.  Да почекаме повисоките судови да ја дадат својата одлука“, вели таа за Гласот на Америка  на македонски јазик.