Анкета: Новите автобуси најкорисен проект за скопјани

Добивај вести на Viber

Набавката на новите автобуси за потребите на ЈСП Скопје е најкорисниот проект спроведен во главниот град, покажува анкетата спроведена од агенцијата Стратегија Комуникации во периодот од 26 до 30 јули врз репрезентативен примерок од 1.099 испитаници на територијата на Град Скопје.

Дури 51 отсто од испитаниците како најкорисен проект за граѓаните ја оцениле набавката на новите автобуси, по што следи Жичницата на Водно со 23 отсто и реизградбата на стариот театар со осум осто од гласовите. За четири отсто од скопјани најкорисен проект е некој друг, а за 14 отсто од нив нема таков проект.

На потпрашањето што е најкорисно кај новите автобуси,  37 отсто од испитаниците одговориле климатизираноста, за 33 отсто тоа е  брзиот транспорт, за 21 отсто комфорот, пет отсто сметаат дека е добриот изглед, а четири отсто нешто друго.

Од Скопјани 40 отсто  го оправдуваат бесплатниот превоз на пензионерите во вторник, петок и сабота, а  21 отсто не. Одговор незнам дале  39 отсто од испитаните, а четири отсто немале одговор.

Главниот град се развива во добар правец за 60 отсто од испитаниците, за 21 отсто во лош правец, а 19 осто од испитаниците немаат одговр или не знаат.