Антикорупциска отвори предмет против советник на Заев
Објавено во: Македонија 10 Април, 2020
Предмет по сопствена иницијатива отворила денеска Антикорупциската комисија во врска со наводи за сомневање на незаконско постапување на надворешниот соработник за прашања од областа на спортот на претседателот на Владата на РСМ, Даниел Димевски. Според нив, тој во својство на надворешен соработник и управител на правното лице Турд Олимпик ДОО Скопје стекнал својство на закупец на СРЦ „Кале“ со што во улога на надворешен соработник остварил приватни интереси со што го оштетил буџетот на РСМ.
Инаку на денешната седница врз база на добиени сознанија од медиумите за значителен прилив на странска и домашна помош (донации) за времетраењето на вонредната состојба како што и претходно информираше, ДКСК одлучила да преземе конкретни дејствија во насока на прибирање на релевантни информации за начинот на кој се користи доделената странска и домашна помош.
Исто така, Државната комисија за спречување на корупцијата оформила и предмет по сопствена иницијатива за испитување на нерегистрирани средства за дезинфекција кои се нашле во употреба.