Добивај вести на Viber
Лидерот на Левица, Димитар Апасиев, смета дека фамозниот адвокат кој поднел приватна иницијатива до Уставен суд да се укинат законските ограничувња и функционерите да земаат многу поголеми плати е близок до ВМРО-ДПМНЕ.
„Левица поднесе три закони за намалување на привилегиите на функционерите (патни трошоци на пратеници, плати на судии, апанажа) и куп иницијативи пред Уставен суд за измислени функции без уставен основ.
Пратениците на Левица се единствени со НУЛА денари патни трошоци и трошоци за службен стан или службени патувања.
Ама, баце, Левица била крива шо Уставен суд донел одлука по иницијатива на некој вмровски адвокат - оти немала "соопштение"!?
Тоа е! Не е крив Заев шо го шитна името, крив е Апасиев шо паркира пред зграда. Фала и кај вас. Борбата продолжува“, објави Апасиев.
Според груба пресметка, именуваните функционери сега ќе имаат за 78 повисоки плати, бидејќи основната плата без ограничувања ќе биде актуелната просечна плата која ќе се множи со одредениот коефициент.