Апасиев обвини дека иницијативата за референдум е вратена со цел купување на време

Добивај вести на Viber

Враќањето на иницијативата на Левица за референдум за францускиот предлог е само купување на време според претседателот на партијата, Димитар Апасиев. 

Сепак, рече дека тие ќе ја направат корекцијата во дадениот рок и повторно ќе ја поднесат.

„Значи, ова не е ист случај како со претходната иницијатива на ВМРО-ДПМНЕ. Ако правилно го читаме, иницијативата е вратена на корекција, односно спикерот Џафери спротивно, во негов стил силеџиски, како уставен судија, но сега со друга финта ни ја врати да ја усогласиме во рок од 15 дена. Ние впрочем тоа и ќе го направиме“, рече Апасиев во изјава за Сител ТВ.

Тој вели дека правното толкување на Џафери е неиздржано затоа што заклучокот бил став, а не бил акт и според тоа прашањето не било соодветно поставено.

Ако Џафери ја отфрли иницијативата откако ќе ја коригираат ќе почнат со целосна блокада на Собранието.

Собранискиот спикер Талат Џафери вечерва објави дека барањето за одржување референдум поднесено од Левица не е подготвено во согласност со собранискиот Деловник, а прашањето е несоодветно поставено, и бара во предвидениот рок од 15 дена предлагачот да го усогласи барањето. 

Левица на 7 октомври до Собранието поднесе иницијатива за референдум.