Арбер Адеми: Се разгледува моделот на комбинирана настава
Објавено во: Македонија 16 Август, 2020
Арбер Адеми, министерот за образование, за Телма изјави дека треба да се прецизира во иднина што значи дефиницијата „училиште со мал број ученици“ за да може следствено на тоа да се одредат критериумите под кои ќе се организира наставата таму во новата учебна година.
За училиштата со стандарден број на ученици се разгледува опцијата за комбинирана настава, односно една недела да се оди во училница, а другата недела таа да биде онлајн.
- Се собираат податоците колку може да функционира моделот на комбинирана настава. Се анализира поделбата на групи и како да се почитуваат протоколите подготвени од Министерството за здравство. Да се види каде има мал број на ученици кај другите општини од 4 до 9 одделение основно образование и за средните учлишта, рече Адеми.
Тој најави дека од утре ќе ја провери работата на Бирото за развој на образованието, од каде што денеска демантираа дека се на колективен одмор, туку дека училишните програми ги подготвуваат од дома.