Атлантик Група отвора фабрика во Нова Градишка

Добивај вести на Viber

Атлантик Група со потпишувањето на прелиминарниот договор во Индустрискиот парк Нова Градишка го означи почетокот на  инвестицијата во нова фабрика за производство на енергетски барови од асортиманот на спортска и активна исхрана. Станува збор за проект во вкупна вредност од 16,1 милиони евра, кој во првата година на производство ќе отвори 50 работни места, а со планираниот раст на бизнисот, ќе се отворат вкупно 160 нови работни места. По завршувањето на потребните подготовки, почетокот на изградба на фабриката е планиран за април 2014 година, а првите производи од новата линија се очекуваат на пазарот во првиот квартал од 2015 година.

Атлантик Група е водечки европски производител на спортска и активна исхрана под брендот Multipower, а најголемиот дел од асортиманот се произведува во сопствените капацитети во околината на Хамбург (прашкасти производи и компримати), потоа во Рогашка Слатина (напитоците), додека енергетските барови досега се произведуваа договорно кај трето лице. Во согласност со стратешката одредба за консолидација на сопственото производство, со цел максимално користење на внатрешната синергија во системот, енергетските барови по завршувањето на  инвестицијата во новата фабрика ќе продолжат да се произведуваат во сопствени капацитети. „Со големо задоволство ние влегуваме во овој проект, првенствено затоа што создаваме нова вредност на најдиректниот начин – со изградба, производство, вработување, кој на крајот ќе резултира со извоз на сопствени висококвалитетни производи на светските, примарно на европските пазари. Новите производствени погони се проектирани во  согласност со највисоките стандарди за прехрамбено производство и претставуваат вложување во понатамошниот развој на нашиот сегмент за спортска исхрана, но и поширокиот развој во сродните подрачја на асортиманот на Атлантик Група во Југоисточна Европа. Во Нова Градишка наидовме на многу разбирање и поддршка од страна на локалната заедница и ни претставува големо задоволство што имаме можност преку развојот и растот на нашиот бизнис да допринесеме  и во развој на оваа бизнис зона", изјави Емил Тедески, претседател на Атлантик Група.