АВТОБУСИТЕ СО ПРАЗНИЧЕН РАСПОРЕД ЦЕЛ ВИКЕНД: еве како ќе работат жичницата и билетарниците
Објавено во: Македонија 21 Јуни, 2024
Автобусите на ЈСП во текот на овој продолжен викенд ќе возат по празничен возен ред, соопштија од претпријатието.
- Поради верскиот празник Духовден денеска и утре јавниот превоз ќе сообраќа по неделен возен ред, со исклучок на линиите 11, 11А, 18А, 32, 47А, 51, 55, 55В, 56, 56А, 70, 74, 81, 118, 160, 164 и 180, кои ќе сообраќаат по саботен возен ред - се наведува во нивното соопштение.
Од Јавното сообраќајно претпријатие информираат дека денеска од 7 до 14 часот дежурни ќе бидат билетарниците во Ѓорче Петров и кај Транспортниот центар, а утре редовно работно време ќе имаат сите билетарници и центри за персонализација.
Жичницата денеска и за време на викендот ќе работи вообичаено, од 10 до 20 часот.
Во недела, како што информираат од Јавното сообраќајно претпријатие (ЈСП), сите возила од јавниот превоз ќе сообраќаат по неделен возен ред.