АПАСИЕВ ЗА МИЦКОСКИ: Еден рачен часовник му вреди колку станот во кој живеам
Објавено во: Македонија 26 Јуни, 2024
Лидерот на Левица, Димитар Апасиев на социјалните мрежи го коментира анкетниот лист на премиерот Христијан Мицкоски и забележува дека еден часовник на Мицкоски чини колку неговиот стан.
Мицкоски пријавил дека поседува куќа во Влае која ја купил за 26,8 милиони денари или речиси 440 илјади евра во 2014.
Мицкоски пријавил и девизен депозит во евра, но не ја истакнал количината на странски девизи кои ги чува на штедна книшка.
Новиот премиер пријавил и дека должи околу 400.000 денари кредит.
Она што можеби највеќе изненадува е тоа што што Христијан Мицкоски пријавил дека поседува два швајцарски часовници во вредност од преку 52.000 евра.
Пријавил дека поседува и една уметнички слики кои би вределе околу 10.000 евра.