Авторот на текстот за видеото со Боки 13: Имам нови шокантни документи

Добивај вести на Viber

Весникот Ла Верита кој денеска ја објави видеоснимката на која се гледа како осомничените во случајот „Рекет“, Бојан Јовановски и Зоран Милески земаат торби со пари од бизнисменот Орце Камчев е регистриран во италијанскиот град Милано. 

На интернет нема достапни податоци које сопственик на овој медиум, а Фактор не успеа да добие никој од редакцијата на телфоните кои се оставени за контакт. Автор на текстот е извесен Ларис Гаисел, а истиот е потпишан и на текстот кој се однесува на случајот со тенедерот за М-Нав за кој имаше обвинувања дека e вмешан генералниот секретар на Владата Драги Рашковски, штоисто така беше објавен во овој весник.

Гаисел на фејсбук објавува дека ова е прв дел од екслузивната репортажа за Македонија и скандалите кои го тресат судскиот систем во земјата.

„Ексклузивна Македонија!! Во денешниот број на Ла Верита првиот дел од мојата репортажа со ексклузивни документи со кои се демонстрира корупцијата на македонскиот судски систем под директна палка на политичарите! Со текот на годините, Европската унија поддржува државен удар Заев да дојде на власт и да се намалат Македонците, а потоа со изговор на владеењето на правото одреден е Специјален јавен обвинител (Катица Јанева) со една задача - да се елиминираат политичките противници на сегашната влада дури и со спроведување на систем на изнудување под директна контрола на политичкиот систем.Во следните неколку денови ќе објавиме шокантни документи за кои искрено се надевам ќе и помогнат на Макеоднија да гонајде својот пат кон демократијата, стои во статусот кој Гаисел го објавил денеска.

На неговиот профил стои дека е од Птуј и дека е професор на Факултетот за државни и европски студии во Словенија. Тој и самиот го сподели текстот кој го објави во Ла Верита.

А.Т.