Баџанакот на Талат Џафери: Се пријавив за антикорупционер затоа што за прв пат изборот е без политика
Објавено во: Економија 09 Февруари, 2019
Нури Бајрами, еден од новоизбраните седум корупционери кои ќе ја водат Комисијата за антокорупција, во писмо до новинарскиот уредник Бранко Геровски вели дека претседателот на Собранието, Талат Џафери, не побарал од него да се пријави на огласот иако му е баџанак.
Во одговорот на прозивката, Бајрами вели дека се пријави на огласот бидејќи за прв пат се спроведува транспарентен начин на избор на членови на Комисијата без влијание од политиката.
„Покрај другите услови, „условот под ѓ“, во последните десет години лицето да не било пратеник во Собранието на Република Македонија, член на Владата на Република Македонија, да не било донатор на политичка партија или да не вршело функција во органи на политичка партија“, што произлегува од членот 11 став 2 од Законот за спречување на корупцијата и судирот на интереси, е исполнет во целост.
Никаде во законот и во огласот не беше наведено, што правно и не може да се наведе, да не конкурираат блиски лица на функционери, туку како да се спроведува постапката. Талат Џафери не беше член ни на Комисијата за селекција и спроведување на интервју, ни на Комисијата за прашањата на изборите и именувањата.
Сета почит кон вас и вашето искуство и залагање како новинар, аналитичар и колумнист, но постапката беше јавна. Многу тешки и навредливи се зборовите „подло, безобразно и ниско“! Афективно и инерционо се става тешка дамка на новата формирана комисија и на сите учесници за спроведување на постапката по објавениот јавен оглас“, вели новозибраниот антикорупционер во дел од писмото.
Ѕредникот Геровски искоментира дека на граѓаните им била ветена нулта толеранција во борбата против корупцијата и затоа таа борба не смее да почне со непотизам во најоддговорниот државен орган за спречување на корупцијата