БАЛКАНОТ ГЛАВОБОЛКА ЗА ТРАМП: Тензиите растат, има само еден начин за спас
Објавено во: Свет 01 Март, 2017
Балканот сега повторно е соочен со криза. Границите се преиспитуваат, етничките тензии растат, и размената на територии се споменува како единствен начин да се спречи насилство, пишува весникот Гардијан.
Балканот може да биде голема главоболка во надворешната политика на новиот претседател на САД, Доналд Трамп, наведува весникот.
„Заборавете на Кина и Блискиот Исток. Бива Југославија може да стане Трампова прва надворешно политичка главоболка“ - пишува Гардијан.
Соговорници на весникот од Косовска Митровица, кои се Срби рекле дека се воодушевени од победата на Трамп, но не заради нешто друго, туку затоа што изгуби сопругата на Бил Клинтон кој беше вмешан во НАТО бомбардирањето.
Весникот потсетува дека Косово во 2008 година прогласи независност, но Србија не го призна.
Се наведува дека Република Српска се заканува со референдум за независност, а се споменува и Македонија која по политичката криза треба да формира влада.
Косовски политичари треба да бидат изведени пред судот во Хаг, што може да доведе до нестабилност.