Советот на Европа го усвои првиот меѓународен договор за вештачка интелигенција

Добивај вести на Viber

Министрите за надворешни работи на 46 земји вчера усвоија договор за употреба на вештачка интелигенција (АИ) на состанокот на Комитетот на министри на Советот на Европа.

„Со овој нов договор сакаме да обезбедиме одговорна употреба на вештачката интелигенција која ги почитува човековите права, владеењето на правото и демократијата“, рече генералниот секретар на Советот на Европа, Марија Пејчиновиќ во соопштението за медиумите.

Рамковната конвенција на Советот на Европа за вештачка интелигенција и човекови права, демократија и владеење е првиот обврзувачки меѓународен договор за технологија и може да биде потпишан од земји кои не се членки на Советот.

Потписниците се согласија да воведат одредби во нивните национални закони кои обезбедуваат соодветна транспарентност, надзор и одговорност при користењето на вештачката интелигенција, се наведува на веб-страницата на Советот на Европа.

Беше посочено дека министрите се обврзаа да обезбедат системите за вештачка интелигенција да не ја дискриминираат и да не ја нарушуваат приватноста на корисниците.

Оваа конвенција се разликува од идниот закон на ЕУ за вештачка интелигенција, иако Унијата учествуваше во изготвувањето на договорот.

Се очекува министрите да го одобрат предлог-законот за вештачка интелигенција следниот вторник.

Во изготвувањето на конвенцијата учествуваа 11 земји кои не се членки на Советот на Европа, меѓу кои Аргентина, Австралија, Канада, Костарика, Израел, Јапонија, Мексико, Перу, САД, Уругвај и Ватикан.