БАНКИТЕ ВО НАРЕДНИТЕ ДЕНОВИ ДА БИДАТ ТОЛЕРАНТНИ КОН ГРАЃАНИТЕ - повик од Владата за сите да можат да ја земат државната помош

Добивај вести на Viber

Владата бара толеранција од банките, за сите граѓани за кои беше наменета државната помош од 6.000 денари да можат да ја добијат. 

Ова на денешната прес конференција го изјави владиниот портпарол Душко Арсовски, одговарајќи на новинарско прашање.

Според Арсовски, Владата досега ги обработила сите 78 илјади прговори од граѓани кои ги поднесоа, а кои не се најдоа на листата Купувам домашно.

„Обработени се сите 78 илјади приговори, а за бројката за тоа колку се прифатени а колку се одбиени, ќе излеземе во текот на утрешниот ден. Иако Владата немаше законски рок, сите овие приговори се обработени. За тоа дали им се прифатени или одбиен приговорите, граѓаните ќе добијат одговори на електронската адреса која ја навеле во приговорите. Согласно со прифатените приговори, ќе се ажурираат и податоците на веб страната kupuvamdomasno.gov.mk“, објасни Арсовски.

Во врска со тоа дали државната помош од 6.000 денари ќе ја добијат граѓаните кои имаа блокирани сметки или не успеаја да ги отворат, Арсовски вели дека овој технички проблем успеале да го решат најголе дел од граѓаните. За оние со блокирани сметки банките кои имаа технички можности им отворија нови сметки и тие таму ќе ги добијат државните пари. 

„Владата очекува од банките да бидат толерантни во наредните денови кон граѓаните, се додека заврши исплатата, бидејќи станува збор за најранливите граѓани, кои што се најпогодени од кризата. Владата прави се за помошта од 27,5 милиони евра да стигне кон граѓаните“, рече Арсовски.

Според него, Владата направи многу, и зато и натаму потенцира дека сите оние на кои им следува државна помош од 6.000 денари, ќе стигне до сите граѓани до кои е наменета.

„Затоа очекуваме толеранција од банките за навреме да заврш тој процес“, рече Арсовски.

На новинарско прашање да дообјасни, Арсовски рече дека е точно оти законскиот рок за исплата истече во петокот, минатата недела, односно до 25 декември, до кога, како што вели, биле исплатени најголемит дел од средствата.

„За најголем број од случаите проблемот е решен. Има случаи, на пример, кога проблемот не може да биде решен. На пример луѓе, кои по одредена основа добиле ваква помош, а живеат во странство, не возможно е да ги ажурираат своите податоци. Затоа, за многу мал ваков број случаи кои не се затворени, апелиравме до банките, да има поголема толеранција за тоа да биде завршено до Нова Година“, рече Арсовскиќ.

Н.Н.Ф.