Баросо: Не можам да дадам датум за членството на Бугарија и Романија во шенген зоната

Добивај вести на Viber

Бугарија и Романија нема да станат дел од Шенген зоната од почетокот на 2014 година, заради ставовите на некои од земјите во заедницата, изјави претседателот на Европската комисија Жозе Мануел Барозо кој учествуваше на заедничката прес-конференција со премиерот на Романија Виктор Понта и на Молдавија Јуриј Ланке . Жозе Баросо коментира дека мислењето на Комисијата е дека двете земји ги исполнуваат техничките барања , но одлуката зависи и од другите земји во заедницата, па од таа причина тој не може да даде одговор кога земјите ќе влезат во Шенген. „Реалноста е дека одлуката не се донесува од европските институции , туку од земјите членки на ЕУ " , објасни тој. Баросо сепак направи поделба помеѓу Шенген и слободното движење на работна сила во ЕУ . Тоа е основен принцип и право на сите граѓани во заедницата и државите треба да го почитуваат , објасни тој. Претседателот на ЕК го  повика Романиците и Бугарите , за кои важат правилата за ограничени пазари на труд во некои земји од ЕУ , да прифатат дека тоа е многу чувствителна тема во некои држави. Меѓу главните теми на разговорите во Брисел биле енергетската безбедност и пристапувањето на Молдавија кон енергетската мрежа на ЕУ . Претседателот на ЕК ја истакна важноста на гасните врски меѓу Романија и Молдавија , кои всушност обезбедија пристапување на Кишињев кон европската енергетска мрежа. Обратен проток на оваа врска ќе создаде можност гас од Грција да стигне до Украина , објасни тој. Романија и Украина демонстрираат блиска соработка и тоа е многу позитивна чекор , коментира Баросо. Претседателот на ЕК објасни уште дека ги цени напорите на Молдавија и додаде дека институцијата ќе предложи олеснување на визниот режим за носителите на биометриски пасоши .