Баросо: Ризиците од „Grexit“ се повисоки сега во споредба со должничката криза
Објавено во: Економија 16 Април, 2015
Ризиците Грција да ја напушти еврозоната се повисоки сега во споредба со почетокот на должничката криза. Тоа го вели поранешниот претседател на Европската комисија (ЕК) Жозе Мануел Баросо за агенција „Standard & Poor's“ за да го намали кредитниот рејтинг на Грција.
Според него постои ризик Атина да не успее да постигне договор со доверителите за време на тековните дебати во врска со потребните реформи за отклучување на дополнителната финансиска поддршка. Ова ќе го зголеми ризикот да ја однесе земјата во неликвидност или дури и до заминување од еврозоната.
„Сметам дека ризикот е поголем денес во споредба со пред неколку години, кога бев во Комисијата. Продолживме да сметаме дека тоа би било опасен преседан. Тоа би било табу, што ќе биде скршено“, коментира претседателот на ЕК во периодот 2004-2014 година, опфаќајќи ги најтешките години на финансиската криза.
„На грчката влада и недостасува искуство, но политичарите мора да разберат дека треба да ги почитуваат правилата на еврозоната. Истовремено другите 18 влади на земјите членки на еврозоната треба да пројават солидарност, бидејќи Грците поминаа низ исклучително тешка ситуација. Треба да биде дозволена одредена флексибилност“, истакна Баросо за време на форумот во Мадрид.
Неговите коментари доаѓаат по зборовите од Константинос Мицотакис, кој е поранешен премиер на Грција, висок функционер на десничарската партија Нова демократија и опозиционер во актуелната влада. Според него банкротот на Грција ќе биде „целосна катастрофа“ и сценарио кое Атина мора да го избегне по секоја цена.
Мицотакис, смета дека социјалистичката влада на премиерот Алексис Ципрас треба да ја преземе одговорноста за бавниот напредок во преговорите со доверителите.
Во последните денови во медитеранската држава се зборува дека владата може да свика предвремени избори, ако не се постигне договор за реформите со ЕУ и ММФ. Сепак државниот секретар на Грција негира дека Атина размислува за предвремени избори.
Германскиот министер за финансии Волфганг Шојбле изјавил дека новата власт го уништи подобрувањето на економијата. Покрај тоа, тој не смета дека во наредните недели ќе биде најдено решение за финансиските барања на Грција.
Шојбле смета дека најголемиот проблем за грчката економија не се нејзините кредити, туку недостатокот на конкурентност.