Бавното темпо на процесот за интеграција во Европската Унија е закана за мирот на Балканот, вели Пендаровски
Објавено во: Македонија 16 Јуни, 2023
Maкедонскиот претседател Стево Пендаровски на Преспа форум дијалогот изјави дека бавното темпо на процесот за интеграција во Европската Унија е закана за демократијата и мирот на Балканот.
Според шефот на државата, преговарачкиот процес ќе ја унапреди демократијата во земјите-кандидатки. Вели дека без војната во Украина процесот на проширување немал да биде во фокусот на Брисел.
„Природно ќе следува прашањето што ќе се случи кога ќе заврши војната во Украина? Дали ќе се вратиме на вообичаениот начин на функционирање, што значи помалку внимание на Западен Балкан и регионот како целина и тоа не само во однос на процесот на проширување“, изјави Пендаровски.
Премиерот Димитар Ковачевски рече дека пораките од европските партнери се јасни – можно е проширување на Унијата со земјите од Западен Балкан до 2030 година.
Македонија е пред нов предизвик, а тоа се уставните измени кои треба да се реализираат. За тоа се потребни 80 пратеници.