Без ваков пополнет формулар ден пред патувањето, нема во Грција: Од утре земјата целосно се отвара

Добивај вести на Viber

Од 14 мај, односно од утре Грција и целосно се отвора за туристите, а влез со завршена вакцинација или негативен ПЦР тест ќе биде овозможен и за македонските граѓани, како што се соопшти од властите. Сепак има нови правила за патување во јужниот сосед. Пред да влезе во земјата секој патник мора да има попоплент документ таканаречен локатор за патници или PLF. Пополнувањето треба да да биде завршено ден пред да влезат во Грција (најдоцна 23.59 часот претходниот ден) или ден пред да ја напуштат земјата. 

Во него има детални информации за тоа која е појдовната точка, однозно влезот, времетраењето на претходниот престој во други земји и адресата на нивниот престој додека се во Грција. Во случај на повеќекратен престој (на повеќе места), од нив се бара да ја наведат адресата каде ќе бидат во првите 24 часа. Треба да се достави еден PLF по семејство.

Патниците ќе добијат потврда по е-пошта по поднесување на PLF. Детали и образец за ПФЛ на следниот линк

Патниците ќе добијат PLF со нивниот единствен код (QR) на денот на закажаното пристигнување во Грција и ќе бидат известени преку е-пошта (QR-кодот ќе биде даден на линк во мејлот за потврда).

Формуларот PLF може да се најде и на апликацијата Visit Greece и на travel.gov.gr. На патниците им се препорачува бесплатно да ја преземат апликацијата Visit Greece (согласност со GDPR), пред нивното пристигнување во Грција.

ПРАВИЛА ЗА ВЛЕЗ

Од 19 април, патниците кои пристигнуваат во Грција треба да поседуваат негативен PCR тест од лабораторија за тестирање не постар од 72 часа. Тие правила остануваат и по целосното отворање, утре.

Овој тест е задолжителен за сите туристи (вклучително и за деца постари од 5 години), без оглед на епидемиолошката состојба што постои во земјата на заминување.

- Ако патникот ја завршил својата вакцинација (т.е. поминале 14 дена од последната вакцинација, во зависност од потребните дози) и поседува потврда за вакцинација, тогаш не е потребен доказ за негативен тест.

- Сертификатите за вакцинација за вакцините Спутник, Синовак, кои не се одобрени од Европската агенција за лекови (ЕМА), исто така, ги ослободуваат посетителите од обврската за негативен тест за ПЦР. Прифатливи вакцини значи се Pfizer BioNtech, Moderna, Astra Zeneca, Novavax, Johnson + Johnson, Sinovac Biotech, Gamaleya (Sputnik), Cansino Biologics, Sinopharm.

- Секој патник кој ќе пристигне во Грција, без оглед на сертификатот што го поседува, може да помине низ случаен здравствен преглед. Доколку е избран, тестирањето со рапид тест е задолжителено. Во спротивно, властите го задржуваат правото да одбијат влез во земјата. Изборот ќе се прави преку систем на насочено земање примероци, заснован на системот ЕВА користен летото 2020 година.