Бинго бум премијата падна во Свети Николе

Добивај вести на Viber

Првото коло од најновата игра на среќа Бинго Бум со новиот водителски пар, Виктор Петров Викса и Марјана Станојковска ја донесе и првата Бинго БУм премија. Во продажното место Венмарк во Свети Николе е уплатена добитната Бинго Бум картичката. Интересно е да се додаде дека покрај оваа премија, продажното место Венмарк во Свети Николе,  досега се покажало како добитно за дури три премии Бинго, вклучително и последната, потоа премијата Бинго Бум линија со стокова добивка автомобил во втората сезона на Џамбо Бинго, а највпечатлива е секако уплатата на Новолото која на среќниот добитник му донесе 275.000 евра кон средината на минатата година. Токму затоа во петок тимот на Државна лотарија на Македонија најавува промотивно дружење токму на ова среќно Бинго Бум продажно место, во петок  на 15 ноември. „Веруваме дека оваа семејна игра на среќа ќе ги исполни очекувањата на сите во врска со се што е синоним за играта на среќа - Бинго. Гледачите преку МТВ ќе добијат забава преку самата емисија Време за среќа, која го задржува својот тренд за емитување на играта Бинго- понеделник. Туку се и бројните добивки кои заедно со носечкиот концепт на самата игра, лепезата од дополнителни сегменти кои само ја дополнуваат можноста за забава и добивки ќе се обидува да го лови сечие внимание. Нашата идеја е токму овој концепт да се менува  и надополнува од емисија во емисија, со што целиот тим на Државна Лотарија на Македонија верува дека телевизиското извлекување на играта на среќа Бинго Бум ќе биде повторно интересно и за играчите, но и за гледачите“, посочуваат од Лотарија на Македонија. Во оваа сезона, играта Бинго  Бум носи збогатување  на фондот на добивките и во игрите за забава и добивки. Следнот понеделничко издание на Време за среќа со Марјана и Викса, во 20:30, ќе го донесе извлекувањето на второто коло од Бинго Бум заедно со првото извлекување на Топ 5. Во понеделник се воведува уште една новина,  заедничка Бинго Бум вечер со среќните играчи во ресторанот Бела. Имено, 300 парови, ќе добијат подарок од самиот ресторан, уплатени Бинго Бум картички и Бинго Бум коктел, а во прекрасниот амбиент на ресторанот ќе се игра Бинго Бум со следење на телевизискиот пренос во живо. Потоа сите ќе имаат прилика да се дружат со целата екипа која ја реализира емисијата Време за среќа, заедно со водителскиот пар Марјана и Викса, најавуваат организаторите на игрите на среќа.