Бислимовски: Трошоците за парно за граѓаните ќе останат непроменети
Објавено во: Економија 11 Јануари, 2022
Претседателот на РКЕ, Марко Бислимовски денеска изјави дека сите чинители во енергетскиот сектор мора да бидат солидарни.
Вели дека нашата земја и светот се соочуваат со невидена енергетска криза.
„РКЕ ќе донесе одлука со којашто цените за топлинска енергија ќе бидат реални. Разликата помеѓу оваа реална цена до постоечката цена ќе бидат покриени во најголем дел од Владата, а во еден сосема минимален дел од Градот Скопје и од општините во градот Скопје. На тој начин ќе се обезбеди потребната ликвидност“, рече Бислимовски.
Цените најави Бислимовски ќе останат непроменети.
„Трошоците за парно за граѓаните ќе останат непроменети“, вели Бислимовски.
Тoj најави дека снабдувањето ќе се стабилизира во наредниот период. Бислимовски вели дека цените на гасот се менуваат од ден на ден, и во наредните неколку денови ќе излезат со поконкретни податоци.