БИТКОИНОТ НА ЧЕКОР ДО НОВ РЕКОРД: Што е причина за вртоглавиот раст

Добивај вести на Viber

Вредноста на биткоинот скокна 57.000 долари во последните два дена, па кратко еден период оваа дигитална паричка се тргуваше по цена од 57.130 долари.

Претходно, биткоинот беше на толку високо ниво на 21 февруари, кога забележа рекордна цена од 58.300 долари.

Во моментов, вредноста на најпопуларната крипто валута во светот е околу 54.700 американски долари.

Во текот на последните 24 часа, биткоинот забележа мало зголемување од околу 1 процент, но пазарната капитализација сè уште е над милијарда долари.

Аналитичарите продолжуваат да веруваат дека еден од главните фактори за најновиот скок на биткоин е вклучување на големи институционални инвеститори и купување криптовалута од страна на големите глобални корпорации.

Сè започна со Тесла, компанијата на Илон Маск, која купи криптовалути во вредност од 1,5 милијарди долари, а потоа следуваа Сквер, Микростратегија и некои други големи корпорации.

Исто така, големи заслуги за растот се припишуваат на американската програма за стимулации вредна 1,9 милијарди долари.

Објавата на американската банкарска групација Голдман Сакс дека повторно ќе основа трговско биро за криптовалути зборува многу за важноста на биткоинот. Тие основаа такво биро во 2018 година, но ова отворање се случи во време кога вредноста на биткоинот падна за 70%, што го намали интересот за трговија.

Аналитичарот на Блумберг, Мајк МекГлоун во петокот храбро предвиде дека биткоинот ќе се искачи на ниво од 100.000 долари до крајот на месецот. МекГлоун беше еден од ретките аналитичари кои имаа храброст да предвидат дека биткоинот ќе скокне на ниво од 50 000 американски долари.