Бизнисменка доби една година затвор за кражба на струја

Добивај вести на Viber

Една година затвор, но и висока парична казна заработи 54-годишната Р.П. од Скопје поради кражба на електрична енергија. Основниот суд Скопје 1 , ја изрече строгата пресуда на управителката на неколку друштва за внатрешна и надворешна трговија, поради манипулација на броилото кое потоа не ja регистрирало соодветно потрошената електрична енергија. Така бизнисменката незаконски се здобила со поголема материјална корист. Ова е втора затворска казна за електрична енергија. Во август оваа годинава затвор дови и скопјанецот М.С . Како што соопштија од ЕВМ Македонија, зголемениот број на кражби влијаат на функциниорањето на дистрибутивниот систем, а предизвикуваат опасност за околината и за човечките животи. Согласно законот, покрај високата парична казна може да се изрече и затворска казна во трањење до пет години за кражба на струја. Во првите девет месеци од годинава ЕВН Македонија откри 1200 кражби на електрична енергија, штетата е 2,2 милони евра. Притоа државата е оштетена за процентот на ДДВ, а  крадците потрошиле 20 милони киловатчаса електрична енергија.