Блерим Река: Потребно е исполнување на два услови до октомври
Објавено во: Македонија 28 Август, 2019
Еден од тројцата кандидати за претседател на Македонија на последните избори е скептичен дека Македонија ќе добие датум за преговори од ЕУ во октомври, бидејќи како што вели поранешниот дипломат, за тоа е потребно да се исполнат два „многу важни услови“. Професорот за тиранската телевизија Ора њуз смета дека за тоа е потребно да се расчисти беспрекорно случајот „Рекет“ и усвојувањето на Законот за јавно обвинителство.да мине со политички консензус.
– И во април оваа година реков дека Македонија нема да добие датум во јуни и сега велам, бидејќи е многу тешко да се добие датум во октомври. Зошто? Три држави членки, Франција, Холандија и Германија, не се убедени дека Македонија постигнала напредок во реформирањето на владеењето на правото. Случајот „Рекет “ не беше случај во пресрет на датумот во јуни, тој се обелодени на 15 јули. Ова значи дека сега имаме две ограничувачки лимити за датум. Прво, е расветлувањето на случајот „Рекет“ односно потврда дека земјата има менаџерски капацитет за спроведување на владеењето на правото. Вториот, на 15 септември завршува мандатот на Специјалното јавно обвинителство, изјави Река.
Според него, доколку не се донесе Закон за јавно обвинителство до 15 септември, Македонија треба да заборави на обезбедување датумот за преговори во октомври. Ова е прв позначаен коментар на Река по завршувањето на претседателските избори кога станува збор за евроинтеграциите, а тој рече дека допрва ќе одлучува дали ќе остане во политиката откако ја доби поддршката од БЕСА и Алијансата за Албанците, а доби и подржувачи кај македонскиот електорат.