BMW уште не избира овластен сервисер во Македонија, клиентите оставени на цедило!
Објавено во: Економија 25 Септември, 2014
Сопствениците на автомобили BMW во Македонија се на мака, откако и официјално од централата на компанијата во Германија добиле информација дека и натаму нема овластен сервисер и застапник на нивните автомобили во земјава и дека автомобилите мора да си ги носат на сервис во странство, доколку сакаат да им важи гаранцијата.
Проблемот останува нерешен од првата половина на годинава, кога се затвори дотогашниот застапник и овластен сервисер на автомобилите на BMW во земјава „Маккар-Балфинко“. Купувачите на овие автомобили останаа без никакви информации – кој ќе ја покрие гаранцијата на автомобилите кои чинат неколку десетици илјади евра, каде да набавуваат делови, кој ќе ги сервисира автомобилите на BMW, Mini и Land Rover, за кои беше застапник оваа фирма.
Од централата на германскиот автомобилски гигант BMW во Минхен, тогаш за Фактор потврдија дека Маккар веќе не е дистрибутер за нивните автомобили, а нов – нема.
„Договорот за увоз со Маккар Балфинко истече и не беше обновен со заемна согласност. Ќе го објавиме новиот увозник за BMW и MINI во Македонија кога ќе дојде време“, изјави за Фактор Ирмгард Арсеншчек, портпарол на Групацијата BMW за Африка, Карибите и Источна Европа.Организацијата на потрошувачи на Македонија (ОПМ) ги советува купувачите на овие автомобили да се организираат, заеднички да се обратат до Пазарниот инспекторат и до централата на BMW во Минхен и да бараат веднаш да ги извести кој ќе биде следен сервисер.
„Улогата на дистрибутерот не е толку важна, но сервисер мора веднаш да се обезбеди. Возачите мора да знаат дека секој сервис на возилото кај неовластен сервисер автоматски ја поништува гаранцијата и во тој случај потрошувачите нема да можат да ги остваруваат правата што ги нуди таа гаранција“, вели за Фактор Марјана Лончар – Велкова, претседателка на ОПМ.Според Лончар-Велкова, потрошувачите имаат право да си побараат и надомест за трошоци доколку за сервис мора да го носат возилото во некоја од соседните земји.
Можеби ќе ве интересира
ТРГОВИЈА, ГРАДЕЖНИШТВО, ПРОИЗВОДСТВО: Што покажува индикаторот за економска клима во Германија?
ТРГОВИЈА, ГРАДЕЖНИШТВО, ПРОИЗВОДСТВО: Што покажува индикаторот за економска клима во Германија?
СЕ МАЧЕА СО ЕКСТРЕМНА ИНФЛАЦИЈА: Аргентина сега влезе во рецесија
СЕ МАЧЕА СО ЕКСТРЕМНА ИНФЛАЦИЈА: Аргентина сега влезе во рецесија
НАЈСКАПИ ГРАДОВИ ЗА ЖИВОТ ВО СВЕТОТ: Швајцарија во самиот врв
НАЈСКАПИ ГРАДОВИ ЗА ЖИВОТ ВО СВЕТОТ: Швајцарија во самиот врв
Дали се ова најдобро платените банкари во Македонија? Петмина поделија 1,94 милиони евра во плати и награди
Дали се ова најдобро платените банкари во Македонија? Петмина поделија 1,94 милиони евра во плати и награди
БАРКОД СЛАВИ 50 ГОДИНИ ОД НЕГОВАТА ПРВА УПОТРЕБА ВО ПРОДАВНИЦА: Еве како е создаден и која е тајната на успехот
БАРКОД СЛАВИ 50 ГОДИНИ ОД НЕГОВАТА ПРВА УПОТРЕБА ВО ПРОДАВНИЦА: Еве како е создаден и која е тајната на успехот
ОВОЈ РЕГИОН ВО ИТАЛИЈА ЌЕ ВИ ДАДЕ 30 ИЛЈАДИ ЕВРА ДА СЕ ПРЕСЕЛИТЕ ТАМУ: Имате право на ова дури и ако не сте државјанин на ЕУ
ОВОЈ РЕГИОН ВО ИТАЛИЈА ЌЕ ВИ ДАДЕ 30 ИЛЈАДИ ЕВРА ДА СЕ ПРЕСЕЛИТЕ ТАМУ: Имате право на ова дури и ако не сте државјанин на ЕУ
Што доби „Силекс“ за да се откаже од експлоатација на злато во Македонија?
Што доби „Силекс“ за да се откаже од експлоатација на злато во Македонија?
„НЕМА ЈАСЕН И ОБЈЕКТИВЕН ПРИКАЗ НА ИЗНОСОТ НА ЈАВНИТЕ ИНВЕСТИЦИИ ВО МАКЕДОНИЈА“: ревизорите со остри забелешки, еве ги деталите
„НЕМА ЈАСЕН И ОБЈЕКТИВЕН ПРИКАЗ НА ИЗНОСОТ НА ЈАВНИТЕ ИНВЕСТИЦИИ ВО МАКЕДОНИЈА“: ревизорите со остри забелешки, еве ги деталите
Се очекува минимално поскапување на цената на струјата за домаќинствата
Се очекува минимално поскапување на цената на струјата за домаќинствата
