Бојан Јовановски го објави писмото: Ќе го докажам тоа што го кажав на пресудата на 18 јуни

Добивај вести на Viber

Бојан Јовановски, осудениот на девет години затвор во случајот „Рекет“, го објави писмото во јавност преку својот адвокат Сашо Дуковски кое беше прочитано од неговиот застапник откако беа поднесени пријави против најмалку 30 лица во скопското јавно обвинителство.

Боки 13 во писмото кое го објави „Република“ вели и дека ќе го докаже кажанато на 18 јуни кога по првостепената одлука за затворска казна извика дека „парите се кај Зоран и Вице Заеви“.

„Сакам одговорно да Ви соопштам дека под целосна одговорност стојам позади секој свој збор и стојам позади изговорената реченица при изрекување на пресудата на 18.06.2020 година и истата соодветно законски и институционално ќе ја докажам. Затоа уште еднаш апелирам до нашата независна стручна јавност, меѓународната заедница, независни правни експерти – домашни и странски, веднаш и без одложување да се приклучат во овој значаен период за владеење на правната држава, за која толку многу се зборува, а ништо досега не се направи. Со оглед на условите во кои се наоѓам, со оглед на притисоците и заканите и огромната количина на докази и сознанија кои во наредниов период ќе ги пријавувам во ОЈО и ќе ги пријавувам очекувам сериозен и професионален однос кон мене согласно закон и Уставно загарантирани права“, пишува осудениот во дел од писмото.

Јовановски смета дека само тој е држен по секоја цена во притвор, додека лалп што вели, вистинските криминалци шерифуваат и командуваат, за да не ги издаде информациите кои ги поседува.

„Апелирам до целата јавност, стручна, независна, меѓународната заедница со големо внимание да го следи процесуирањето на моите кривични пријави, бидејќи имам основано сомневање дека веќе пријавените лица се запознаени со моите пријави – со содржината и доказите, и дека ќе се обидат, како што и се обидуваат да ме спречат, да вршат притисок врз мене и моето семејство, но одговорно Ви тврдам дека нема да ме спречат што и да применат како методи за уцени и закани. Единствено ќе ме спречат доколку ме лишат од живот. Односно доколку посегнат по мојот живот, но повторувам нема да ме спречат во мојата чесна граѓанска обврска и должност, ниту пак ќе ме спречат во мојата намера и во борбата со вистинските криминалци и сторители на кривични дела“, се обрача Јовановски.

Тој додава дека ќе се избори за вештачење на неговиот мобилен телефон, постапка која според Боки 13 намерно не е завршена.