„Бомба циклон“ ќе ја „удри“ оваа земја
Објавено во: Свет 02 Март, 2018
САД се подготвува за силната бура, наречена „бомба циклон“ која може да предизвика поплави во регионот од државата Мејн до Северна Каролина.
Во делови на Калифорнија наложена е евакуација на повеќе од 30.000 лица, а надлежните одат од врата на врата и го предупредуваат локалното население на опасноста од бурата.
Локалните власти упатија апел и до жителите на крајбрежните места на истокот да бидат подготвени за евентуална евакуација со оглед на тоа дека бурата е проследена со силен ветар и обилни врнежи.
Метеоролозите предупредуваат дека комбинацијата од обилни врнежи и силен ветер би можела да предизвика поплави во крајбрежните делови на Бостон.
Локалните власти информираат дека поради можноста брзината на ветрот да достигне до 120 километри на час можни се и прекини во снабдувањето со електрична енергија.
„Луѓето мора ова да го сфатат многу сериозно“- изјави гувернерот на Масачусетс Чарли Бејкер.
Синоптичарите предупредува дека куќите, кои се наоѓаат на брегот на океанот може да бидат уништени од големи бранови.