Божиновски за „Рекет“: Испуштена е контролата и процесот е надвор од судот
Објавено во: Македонија 11 Декември, 2019
Новинарот Зоран Божиновски во интервју за Тв 24 вечерва за случајот „Рекет“ рече дека на обвинителна клупа требало да седнат многу луѓе.
Тоа што Зоран Милевски Кичеец призна вина, смета дека е трговија со обвинителството.
Вели дека испуштена е контролата и процесот е надвор од судот.
„За мене тој што ги објавил снимките е пријател на демократијата, затоа што Заев и Камчев шест месеци манипулираат, де едниот пријавил, де другиот пријавил“, вели новинарот.
Божиновски кажа дека Македонија има суспендирани институции. Кажа дека изјавите на премиерот Зоран Заев не ги зема за релевантни, затоа што кажал дека нема да го смени името, но денес тоа е сменето, рекол дека нема да коалицира со криминалците од ДУИ, но и тоа го стори.
За премиерот рече дека не е тој кој треба да бара да не се нарушува угледот на другите обвинители од СЈО.