БРАТОТ НА ПРЕРАНО ПОЧИНАТИОТ РАКОМЕТАР - Денис умре од срцев удар, тоа е единствената вистина

Добивај вести на Viber

Хрватскиот ракометар Денис Тот почина на 28-годишна возраст поради последици од срцева слабост. Од Македонија дојдоа разни информации за причината за смртта, а на социјалните мрежи коментираше Борис Тот, братот на Денис. 

„Им благодарам многу на господата новинари за нивната 'професионална' работа.

Може само да се срамите од ширење дезинформации во јавноста и ширење лаги за собирање кликови. Денис починал од срцев удар, не од никакви телесни повреди, тепачки и сите други глупости за кои се пишуваше во текот на целиот вчерашен ден. Срамота е да се гради публицитет на туѓа несреќа“, објави Борис Тот.

За потсетување, директорката на скопската болница, Маја Мојсова, ги демантираше наводите за насилна смрт, а Министерството за внатрешни работи на Северна Македонија потврди дека Тот бил донесен во болница во критична состојба поради срцев удар, пишува Индекс.хр.

Инаку, Денис Тот е роден во Ѓаково, од каде што е Домагој Дувњак, кој му беше пример, а првите сериозни ракометни чекори ги направи во Бјеловар. Потоа настапуваше за Пореч, а во еден момент беше и член на поранешниот шпански шампион Адемар Леон.

Пред Македонија, тој играл и во Австрија, а никогаш не играл за хрватската репрезентација, иако, според оние што играле со него, бил исклучително талентиран. Македонските медиуми објавија дека поради трагичниот настан натпреварите меѓу шампионите Вардар 1961 и Бутел Скопје најверојатно ќе бидат одложени за друг термин.

Извор и фото: Индекс.хр